التصميم
هوية تخلي متجرك ينعرف من أول نظرة: شعار، ألوان، تصاميم منتجات، إعلانات وسوشال ميديا، كلها على ذوق جمهورك.
VECTOR / STRATEGY IN MOTION
متجرك يستاهل
يبيع أكثر.
حنا فيكتور، وكالة تسويق نشتغل مع المتاجر والعلامات التجارية من أول تصميم حتى آخر إعلان. نفهم وش تبي توصل له، نحط لك خطة واضحة، ونشتغل عليها كجزء من فريقك.
- هويات بصرية
- محتوى
- إدارة متاجر
- حملات إعلانية
إعلانات + محتوى + إدارة متجر.
باقة وحدة.
وتقرير واحد يوضح وش صار بفلوسك.
نشتغل على
- سلة
- زد
- سناب شات
- تيك توك
- إنستقرام
- قوقل
إيش هدفنا؟
نبي كل صاحب متجر يشتغل معنا يشوف الفرق في مبيعاته، مو بس في شكل حسابه.
وعشان كذا ما نسلّمك شغل وننسى، نتابع الأرقام معك أول بأول.
خدماتنا
خبرات تتكامل.
من الشعار لين الإعلان، كل اللي يحتاجه متجرك عند جهة وحدة.
المحتوى
كلام يبيع، مو حشو. نكتب وصف منتجاتك ومنشوراتك وإعلاناتك بلهجة قريبة من عميلك، تخليه يضغط "أضف للسلة" بدون تفكير.
إدارة المتجر
نشيل عنك هم المتجر: رفع المنتجات وترتيبها، تحسين صفحاتها، العروض والكوبونات، وكل شي يأثر على مبيعاتك. سواء متجرك على سلة أو زد.
الإعلانات
حملات على سناب وتيك توك وإنستقرام وقوقل، نوصل فيها للي فعلاً يشتري، وتعرف كل ريال تصرفه وين راح ووش جاب.
باقاتنا
باقات شهرية واضحة.
اختار اللي تناسب حجم متجرك، وإذا محتار كلمنا ونساعدك تختار.
انطلاق
لمتجر مبيعاته بين 50 و100 ألف ريال شهرياً، وأولويته يضبط إعلاناته قبل أي شي ثاني.
3,900 ر.س شهرياً + الضريبة
- إدارة الإعلانات على منصتين، بميزانية إعلانية لين 20,000 ر.س شهرياً
- مراجعة وضبط البكسل وتتبع التحويلات
- 10 تصاميم إعلانية شهرياً
- كتابة نصوص الإعلانات
- متابعة أسبوعية للأداء، وتعديل الحملات حسب النتائج
- تقرير شهري، ومكالمة متابعة شهرية (30 دقيقة)
ما تشمل محتوى السوشال ولا إدارة المتجر.
ابدأ بباقة انطلاقنمو
ننصح بهالمتجر مبيعاته بين 100 و300 ألف ريال شهرياً، ويبي جهة وحدة تمسك التسويق كله.
8,900 ر.س شهرياً + الضريبة
كل اللي في انطلاق، وفوقها:
- إعلانات على 3 منصات، بميزانية إعلانية لين 40,000 ر.س شهرياً
- 16 تصميم إعلاني شهرياً
- 12 منشور شهرياً لحسابين، تصميم وكتابة
- إدارة المتجر على سلة أو زد: لين 25 منتج شهرياً مع أوصافها
- تقويم شهري للعروض والكوبونات، وتحديث البنرات والصفحة الرئيسية حسب المواسم
- تقرير مفصل واجتماع شهري (60 دقيقة)، وتحديث مختصر كل أسبوعين
- مدير حساب مخصص
شراكة
لمتجر مبيعاته 300 ألف ريال فأكثر شهرياً، ويحتاج فريق تسويق كامل بدون ما يوظف.
15,900 ر.س شهرياً + الضريبة
كل اللي في نمو، وفوقها:
- إعلانات على 4 منصات (سناب، تيك توك، إنستقرام، قوقل)، بميزانية إعلانية لين 80,000 ر.س شهرياً
- 24 تصميم إعلاني و20 منشور شهرياً
- إدارة متجر كاملة لين 60 منتج شهرياً
- تحسين معدل التحويل: اختبارات على صفحات المنتجات وطريقة الدفع
- حملات واتساب وSMS وإيميل للعملاء الحاليين والسلات المتروكة (لين 4 حملات شهرياً)
- تقرير أسبوعي، واجتماع كل أسبوعين
- خطة ومراجعة ربعية للأهداف
- أولوية في الرد (نفس يوم العمل)
الأسعار ما تشمل الميزانية الإعلانية (تدفعها أنت للمنصة مباشرة)، ولا أجور المؤثرين، ولا رسوم تطبيقات سلة وزد. وإذا زادت ميزانيتك الإعلانية عن حد الباقة، تنضاف 10% على المبلغ اللي فوق الحد بس. والتفاصيل الكاملة توصلك في العرض المكتوب.
أول 30 يوم معنا
نبدأ بالفهم.
قبل ما نصرف ريال، نعرف وين متجرك واقف ووين لازم يوصل.
-
الأسبوع 01
مراجعة أولية
نراجع متجرك وحساباتك الإعلانية، ونحدد أهم المشاكل والفرص.
-
الأسبوع 02
الخطة والأهداف
نتفق معك على الخطة والأهداف بالأرقام.
-
الأسبوع 03–04
التنفيذ وأول تقرير
نبدأ التنفيذ، ويوصلك أول تقرير فيه وش تغير وليش.
ليش فيكتور؟
شريك، مو مورّد.
كل شي عند جهة وحدة
تصميم ومحتوى ومتجر وإعلانات. ما تحتاج تنسق بين ثلاث جهات وكل وحدة ترمي على الثانية.
ما عندنا قوالب جاهزة
كل متجر له خطة تناسب منتجه وجمهوره.
الأرقام قدامك
تقارير واضحة، تعرف وش صار بفلوسك بدون لف ودوران.
كجزء من فريقك
نرد عليك، ونلتزم بالمواعيد.
متجرك ياخذ حقه
نشتغل مع عدد محدود من المتاجر، عشان كل متجر يلقى اهتمام حقيقي، مو يصير رقم في قائمة طويلة.
حساباتك ملكك
حساباتك الإعلانية وبياناتك باسمك، ولو وقفت معنا تاخذ كل شي.
كم أسعاركم؟
تختلف حسب الخدمات اللي تحتاجها وحجم متجرك. باقاتنا الشهرية تبدأ من 3,900 ر.س + الضريبة، والميزانية الإعلانية تدفعها أنت للمنصة. كلمنا ونرسل لك عرض واضح بدون رسوم مخفية.
لمين خدماتكم؟
نشتغل مع المتاجر القائمة اللي تبيع فعلاً، وتبي تكبر بخطة واضحة. باقاتنا مصممة للمتاجر اللي مبيعاتها الشهرية فوق 50 ألف ريال. وإذا متجرك لسا في البداية، نقدر نبدأ معك بمشروع لمرة وحدة، مثل الهوية أو تصميم المتجر.
تضمنون لي مبيعات؟
بصراحة، ما نقدر نوعدك برقم معين قبل ما نشوف متجرك، واللي يوعدك بكذا لا تصدقه. اللي نضمنه: خطة واضحة، شغل مبني على الأرقام، وتقارير تعرف منها وين واصلين.
ميزانية الإعلانات مين يدفعها؟
ميزانية الإعلان تدفعها أنت للمنصة مباشرة، وحنا ناخذ أتعاب الإدارة بس. يعني فلوسك الإعلانية تحت عينك.
متى أشوف نتيجة؟
الإعلانات تبدأ توضح نتايجها من الشهر الثاني، والصورة الكاملة تتضح بعد 3 أشهر. أما الهوية والمحتوى، فأثرها يتراكم مع الوقت.
كيف نبدأ؟
ترسل لنا على الواتساب، ونحجز لك جلسة التعارف. بعدها نرسل لك عرض مكتوب يوضح وش يشمل ووش ما يشمل. وإذا تبي تقرير مفصل عن متجرك وحساباتك قبل ما تقرر، سعر المراجعة الشاملة 2,500 ر.س + الضريبة، وإذا اشتركت في إحدى باقاتنا تحصل على خصم 50% من قيمتها.
تخدمون كل مناطق المملكة؟
إيه أكيد، نشتغل مع متاجر من كل مناطق المملكة وخارجها، والتواصل كله أونلاين.
جاهز تكبّر
متجرك؟
كلمنا الحين، ونحجز لك جلسة تعارف مجانية (30 دقيقة) نسمع فيها عن متجرك، ونعطيك ملاحظات سريعة.
كلمنا واتساب- واتساب+966 55 510 4965
- الإيميلinfo@vectorsa.net